Klik bovenin om uch keuze te make:

Kwakkert Nuuts

Heitser Vastelaoves Gezet link

Jaomer genog zal d'r in deze tied weinig tot geine vastelaovendj geveerdj gaon waere. 't Gezellig samekome, 'n vereiste vr de meiste vastelaovesactiviteite, zitj d'r noe neet in. Toch wil VV De Kwakkert de vastelaovendj van 2021 neet gans ngemerktj vrbie laote gaon.

D'r is namelik ein traditie die dit jaor 'gewuun' doorgeit: 't verspreide van de vastelaovesgezt. Of ja, gewuun? Zoe gewuun is deze editie neet. Vanwege 't aafgelaste van vl activiteite is deze editie get anges van opzt. Mer waal zeker weer de meutje van 't laeze waerdj. En woe de gezt normaal gespraoke 5 euro kostj, waertj d'r dit jaor gratis aangebaoje aan alle vastelaovesveerders.

De gezt is GRATIS mt te neme oppe plaatse woe normaal de verkoup is. Det zeen Jumbo, Lukoil, Plantinga, Hubo, 't Sinterklske, Den Hook, Beek & Bos (netuurlik aafhankelijk van evt. beprkendje maotregele i.v.m. de lockdown).
Zeet gae neet in de gelaegenheid m ein gezt op te haole, of woentj gae wiet weg, den kintj gae de gezt ouch digitaal laeze. Downloade kan via deze link. .

Mirte & Rianne winnaars HVK 2020

Eine kier per jaor waertj 't biljaar bie caf Den Hook neet gebroektj woe 't eigelik vr bestumdj is. Den duit 't namelik deenst as podium. 'T podium vr 't Heitser Vastelaovesleedjes Konkoer. Heitser artieste klumme oppe biljaar en gaeve zich dao gans mt eine door hr zlf gesjraeve schlager. Waas anger jaore nao alle optraejes waal dudelik waem as winnaar oet de bs zooj kme, dit jaor waas det absoluut neet 't geval. 'T Bleef spannendj toetdt Prins Bart II oetsloetsel goof. Rianne & Mirte bleke de meiste puntje vanne jury gekraege te hbbe met hr leedje 'I love Alaaf'. Mer det 't eine 'close finish' waas bleek waal oet 't feit det de jury lang nuuedig haaj m tot ein oordeil te kme. Mt dit leedje hbbe Rianne & Mirte aoverigens ouch al de halve finale van 't LVK bereiktj. De dames tmmere flink ane waeg. Laote we haope det 't winne van het Heitser Vastelaovesleedjes Konkoer eine opstap is nao nog groetere successe. Angere deilnemers wille wae hertelik bedanke vr hre inzet en houpe det zo ouch volgendj jaor weer vanne partie zeen.

Heitser Vastelaoves Ms

Vastelaovendj is neet allein ein fiest van roej naze en gruuen pruuke. Vastelaovendj is mier den det. Vastelaovendj geit vraaf ane vastetied. Vastelaovendj is 't fiest van verbonjeheid. Ein moment m toet bezinning te kme. Ein fiest van tradities. En mdt wae as vastelaovesvereiniging hechte aan tradities, moog de vastelaovesms zeker neet ontbraeke.
Vraafgaondj aan de vastelaovendj gaon we mt z'n allen nao de krk. Dit jaor doon we det op valenteinsdaag vriedig 14 fibberwarie, m 18.15 oor. Meneer pestoer zal dao de staeke zaegene en we gaon baeje vr alles wat s bezig hiltj.

Buutte Gala 2020

Inmiddels ein begrip inne regio; 't Buutte Gala Leudal. Al vl jaore d plaats woe de fanatieke vastelaovendj-veerder en de get minder uitbundige vastelaovendj-veerder same dieke traone lache en same eine geweldige aovendj belaeve.

Prieswinnendje buuttereedners oet Limburg en Tonpraoters oet Braobantj rijge de grappe en grolle op vastelaovesvriedig en -zaoterdig aanein.
Dit jaor is 't de organisatie, die in henj is van vastelaovendjvereiniging De Kwakkert, Harmonie L'Union enne voetbalclub oet Heiste, weer gelktj m ein fantastisch programma same te stelle.
Mt twie finaliste van het Limburgs Buutte Kampioensjap 2020, de winnaar van 2019, twie Braobantse Tonpraoters n 'all-time' kampioen Fer Naus, kinne we waal spraeke van de Champions-League vanne Buutte-waereldj. En as primeur de jeugdbuuttekampioen van 2019. Muzikaal waertj de aovendj opgeloesterdj door Paul & Leo. Ouch al gein onbekindje artieste.

De artieste op eine rieke:
Dylano Driessens - Jeugdbuuttekampioen 2019
Bas van Neer - Limburgs Buuttekampioen 2019
Har Danils - Finalist 2020
Bjrn Smits - Finaliste 2020
Rien van Genugten - Vice-kampioen Braobantse kampioensjappen 2019
Marlon Kicken - Tonpraoter en stand-up comedian
Ger Frenken - Presentatie
Paul en Leo - Geweldige muzikanten.

Wiltj gae chte pepere kaertjes koupe vr 't Buutte Gala Leudal? Det kin. Op zaoterdig 25 jannewarie vanaaf 9.30 oor waere d'r kaertjes inne vrverkoup verkochtj bie De Bombardon in Heitse (Sint Antoniusstraot 2 in Heitse).
Mer
online kan ouch al.

Kwakkert On Tour 2020

Vastelaoveszunjig zal vanaaf 20.00 oor in 't Fiestpaviljoen bie caf Klein Paries "Kwakkert On Tour" georganiseerdj waere. Dit jaor ein speciale muzikale waereldjreis door Klein Paries, want in 2020 waertj 'Kwakkert on Tour' vr de 11e kier georganiseerdj.

Wie in 2010 de ierste Kwakkert on Tour georganiseerdj waerdje trk de Kwakkert mt ein bs van caf nao caf, woe in eder caf eine artiest optrooj. Ein geweldig idee, allein logistiek neet echt henjig. Nao ein paar jaor ngerdaak bie caf Den Hook gevonje te hbbe, waerdje 't aanbod van artieste en publiek zoe groet det Den Hook te klein waerdje en verhoesj waerdje nao 't fiestpaviljoen bie caf Vullers.

Vanaaf dae tied wissele zich aoj en nuj slagers aaf, allemaol gemaaktj door chte Heitser- n gelaegenheids-artieste. De meiste nummers kintj de gemiddeldje vastelaoves-veerder lekker mtzinge. En kintj gae de tekst neet, gein probleem. Aansloete inne polonaise kintj ederein. De letste jaor ontstaon d'r ter plaatse spontaan muzikale gezelsjappe die aan 't succes van optraeje wille preuve. nger 't toezeendj ouch oze Prins en ein enorm enthousiast publiek is d'r gein baetere plaats m vr de ierste kier op te traeje.
Vraaf opgaeve is winselik. Det duis se door ein mailtje te steure nao
Bart Diesch.
Mer spontane aanmeljinge oppe aovendj zelf waere ouch gehonoreerdj.

Kiek in 't archief vr berichte van anger jaore