Klik bovenin om uch keuze te make:

Optochtnuuts

Optocht 2023 - gaef uch op!

't Geit d'r al hel op aan! Dus minse die al druk aan 't bouwe zeen; väöl plezeer! Minse die nog neet begósj zeen; trek de ideeënbös aop en maak mèt vrunj, mèt de buurt, femilie, collega's of as einzelgenger get sjoeëns väör d'n optocht, en laot de minse in Heitse zeen waat vastelaovendj is! Want 't is al mieër gezag: "Mètdoon is sjoeëner den winne!"

En 'ne pries kriegtj gae altied! Dus Kwakkerte en Koeleköpkes…, maak d'r eine optocht van woeë gein inj aan kumptj. Gae zultj d'r versteldj van staon waat ein plezeer det bringtj. Opgaeve kan vanaaf noe väör zoeëwel de groeëte as de kinjeroptocht.

Opgaeve (leefs via de mail, of sjriftelik) bie: Patty Peeters, Jean Romestraot 3 in Heitse (uiteraard!!!), Telefoon 06-55524336.
Opgaeve kin toet oeterlik vastelaoveszunjig 11.11 oor. Opgaves nao dit tiedstip waere achteraan inne optocht geplaatstj en doon boete mededinging mèt. Dit in verbandj mèt de indeiling vanne optocht.
In de opgave gaer 't volgendje vermelde:
- Waat 't väörsteltj;
- Oetveuring act (Jao of nae)
- Aantal persoeëne
- Mèt of zónger meziek
- Kontakpersoeën mèt telefoonnummer en mailadres
- Groeëte groep (13 persoeëne en mieër), Kleine groep (3 t/m 12 persoeëne, Duo óf Einzelgenger.
- Mèt tractor óf wage (beide mótte minimaal WA-verzekerdj zeen, net zoeëas vieë (bieëster) die inne optocht mèt loupe. Die mótte ouch verzekerdj zeen want vv De Kwakkert kin neet aansprakelijk waere gesteldj.

Väör die aansprakelijkheid mót gae ein verklaoring óngerteikene. Ouch is 't verplichtj óm oppe wages eine brandblusser mèt te neme en móge d'r gein jerrycans brandjstof oppe wages mètgenaome waere. 't Nuttige van alcohol inne optocht is neet toegestaon. Dinktj ouch ane breidtje van eure wage, dae kin maximaal 3.10 maeter zeen. En 't gehieël mót uiteraard stabiel zeen. Haoj dao raekening mèt bie de huuegdje. Veiligheid väör alles!!!
Reclame moog, mer moog de oetbieëlding neet äöverhieërse.

Eur nummerke (plaats inne optocht), mót op vastelaoveszunjing, 19 Fibberwarie, tösse 11.00 en 12.00 oor aafgehaoldj waere bie café Den Hook.
Opstelle vanne optocht op vastelaovesmaondjig gebäörtj óm 13.30 oor oppe Tiendjerwaeg.


Let op! Wae höbbe dit jaor ein nuuj route!
De optocht begintj óm 14.11 oor te trèkke via de Tiendjerwaeg, St Antoniusstraot, Beesstraot, Aoje Trambaan, Stationsstraot, Dörpstraot tot aan de zaal.

De priesoetreiking van de kinjer- én groeëte optocht is op vastelaovesmaondjig óm 17.30 oor inne Bombardon.

Wiltj gae nog 'nne kieër naogenete, kiek den hie nog mer ins nao de foto's vanne optocht.
De volledige oetslaag van 2020 kintj gae hie downloaden.
.