Klik bovenin om uch keuze te make:

Archief


2019 - 2020 Prins Bart II en Jeugdprins Stan III
Ziene naam galmdje al jaore door 't Kwakkerte-rieëk en hae haet d'r lang op mótte wachte. Mer op zaoterdag 23 november waas 't hae den toch ane bäört; Bart Boonen waerdje oetgerope as de 65e Prins van ós vereiniging.
Nao ein sjoeën filmpke waerdje Bart II op ein 'Casa de Papel'-achtige meneer ane Heitser minse gepresenteerdj. Of dees meneer van presentere get te make haet mèt zien dagelikse wèrk bie de plisie weite we neet, mer toevallig is 't waal. Bart is getrouwdj mèt Loes die missjien nog waal gekker van vastelaovendj is as Bart zelf. Want asse oppe 11e vanne 11e jaorig bès, den mós se waal roeëd-gael-gruuën blood höbbe.
Inne Heitser gemeinsjap is Bart actief as väörzitter van Kinder Vakantie Werk en houwtj d'r bie Joekskapèl Jonk Geweldj duchtig oppe kist, want dao speeltj d'r de trom of de dieke trom.
Wie 't huuertj regeertj Bart II mèt eine korte en krachtige liefspreuk; 'Vastelaovendj, det boeitj!'.
Rik Caris, Mathijs Lenders en Bent Derks zulle Bart 't ganse vastelaovendj-seizoen assistere as zeen adjudante. Vastelaoves-veerders pur sang.
De receptie van Prins Bart II en Jeugdprins Stan III waertj op zaoterdigaovendj 15 fibberwarie gehaoje inne Bombardon in Heitse.



Prinsereceptie

Ós Prinse, Jeugdprins Stan III en Prins Bart II wille uch van herte oetgenuuedige väör häör Prinsereceptie.
De receptie van dees hieëre waertj, wie eder jaor, ein waek väör de vastelaovendj, dit jaor op zaoterdig 15 fibberwarie gehaoje inne Bombardon in Heitse op de St. Antoniusstraot.

Óm elluf minute väör zeve (18.49 oor) begintj de receptie van zoeëwaal oze Jeugdprins mèt zien adjudante Fabian en Mats, as oze groeëte Prins mèt zien adjudante Mathijs, Rik en Bent.
Ein sjoeën gelaegenheid óm ós Prinse te felicitere mèt häör Prins-sjap en ze eine sjoeëne vastelaovendj te winse.

Gezelsjappe die oppe receptie ein wäördje wille richte toet (ein van) ós Prinse, waere vruntjelik verzochtj dit väöraaf kinbaar te make bie Maurice Verkoulen.

Wae vinje 't sjoeën as gae os Prinse toe wiltj spraeke. Mer wae vinje 't nog sjoeëner as wae nao aafloup van 't officieel gedaeltje nog tied äöver haoje óm d'r same ein groeët fieëst van te make! Wae verzeuke alle spraekers den ouch óm dao, woeë mäögelik, raekening mèt te haoje

2018 - 2019 Prins Koen I en Jeugdprins Lars II
Väöraafgaondj aan 't oetrope waerdje 't spelleke "Waem waertj 't" gespeeldj. Prinswaerdige kandidaten passeerdje de revue. Nao edere vraog veel d'r eine aaf en oeteindelik bleef d'r eine äöver. Koen I waerdje toet vastelaovesprins 2019 gekroeëndj. Koen I (Stoop) haet al dökker inne gezèt gestange, mer nog noeëts op dees meneer. Koen priktj d'r namelik mèt enige regemaat ein guulke in bie 't ieërste van Veritas in Neeritter. Wie d'r det de kómendje maondje geregeldj haet mèt ziene trainer weite we neet, mer det zal lichtelik goodkóme.

As d'r neet in Neeritter binne de lieëne steit, steit d'r in Heitse naeve de lieëne as trainer vanne JO19-1.
In 't dageliks laeve waertj Koen biegestange door partner Karin Corstjens en weite we det d'r äöverdaag hieël väöl koffie drinktj. Koen wèrktj namelik bie DEAC Koffie Experts en rietj dao half Nederlandj väör door. Dae koffie zal de kómendje maondje waal get minder waere…
As adjudanten haet Koen gekoze väör eine mix van ervaring en jeugdig talent. Roy Peskens, Nick Meerts en Frank van Horne zulle Koen óngersteune, dao woeë nuuedig. Regere duit Koen ónger ziene spreuk: 'Boete de däör balle, mer in Heitse duchtig knalle'.
Op zaoterdigaovendj 23 fibberwarie zal Prins Koen I receptie haoje inne Bombardon in Heitse.



2017 - 2018 Prins Bas I en Jeugdprins Noud II
'T doordje allemaol mer lang vonj oze nuje Prins. Al maondje haaj d'r zien tong aaf mótte biete. Nemes móg 't weite, toet vandaag… noe moog ederein 't weite. Bas I Peeters, dé nuje Groeëte Prins 2018 vanne Kwakkert.

Nao ein echte speelfilm kwoom Bas I achter de speciaal väör dit Prinsebal gemaakdje gerdiene oet. Bas Peeters, 38 jaor, in 't dageliks laeve maatsjappelik wèrker, is getrouwdj mèt Cyrille. Same höbbe ze twieë dochters, Lynn en Isis. Boete 't feit det Bas eine echte vastelaovendjveerder is, kinne de minse Bas as lid vanne vrijwillige brandjwaer in Heitse. En det die men fanatiek zeen zoge wae väörig jaor op aswoonsdig. Tiedes de Mès, wie ederein mèt ein askruutske väör de kop inne kèrk zoot, waas d'r in eine kieër eine houp tumultj. De brandjwaer waerdje opgepieptj. Diegene die ómkeeke kóste nog net de rök van Bas zeen. Zoeë snel wie de brandjwaer rendje Bas de kèrk oet, "duty calls".

As zeen toewijding as Prins net zoeë groeët is, steit Heitse get te wachte de kómendje vastelaovendj.

Bas is de 63e Prins vanne Kwakkert en zal äöver Heitse regere ónger ziene liefspreuk: "Mèt dees daag kan 't ós neet heit genóg waere."
Uiteraard waertj d'r biegestange door Cyrille, mer ouch door twieë adjudante. Paul Weerts en Tyronne Ubachs zorge d'r de komendje vastelaovendj väör det Bas I edere aovendj allik aan thoes kumptj.


2016 - 2017 Prins Martin I en Jeugdprins Twan I

Martin Schreurs geit 't kómendj jaor väörop inne polonaise. Eine Prins mèt ervaring…, nou ja…ervaring? Väörig jaor waas Martin dé Prins van ziene vrunjegroep de B&A-boys. Dao haet d'r efkes móge preuve aan 't Prinssjap det toen mer eine daag doordje. Dit jaor doortj 't seizoen get langer!

In 't dagelikse laeve waertj Martin biegestange door Inge Mutsers woeë d'r kómendj jaor ouch nog mèt geit trouwe. Ein drök jaor dus väör Martin en Inge.
Gelökkig kinne ze steune op zien adjudante Krijn Peeters, Sven Henderickx en Joris Driessen. Van Joris waertj gezag det d'r de knapste jóng van Heitse is. Dus ouch väör de dames is d'r dit jaor zat te belaeve bie De Kwakkert.


Martin geit väörop ónger ziene liefspreuk: "Noe neet ónger de lat, mer hieël Heitse plat."
Redelik dudelik; Martin is keeper van 't ieërste vanne voetbalclub woeë d'r ouch trainer is vanne A1. In de weekende is Martin regelmaotig te vinje bie zien vrunj van de B&A-boys en van v.c. DWN.
As Martin geit wèrke riedtj d'r nao DHL in Beringe woeë d'r Process Engineer is. Foto's


Heerschap verenigt

Jumbo Heerschap besteit 50 jaor!!! En det wille ze weite! 50 Jaor gelaeje begósj in Roggel als werme bekker, taegewoordig besteit 't bedrief oet versjillendje Jumbo's inne regio. Ter gelegenheid van dit 50-jaorig bestaon guftj Heerschap vereinigingen ein steunke inne rök. Zègk mer gerösj, ein steun inne rök. Van 11 (!!!) januari toet en mèt 21 fibberwarie kriege klantje van Heerschap bie besteejing van € 15,- eine voucher woeëmèt klantje oppe website www.uwsupermarkt.nu of bie de stumcompjuter inne vestiging in Heitse ein stum oetbringe oppe Kwakkert. Stumme kan toet 3 mieërt. 'T moog dudelik zeen det edere stum ós vereiniging geldj oplevertj.

Op 11 fibberwarie zal v.v. De Kwakkert bie Jumbo Heerschap Heythuysen aanwezig zeen óm ós vereiniging te promote. Ós "promotie-team" zal uch uiteraard gaer helpe mèt 't oetbringe van eur stum. En löktj 't uch neet óm thoes via Facebook of internet eur stum oet te bringe, bel of mail ós gerösj. Wae kóme eur vouchers gaer ophale. Vermeldj in eur mailtje efkes eur adresgegaeves en stuur dit nao dekwakkert@gmail.com of bel nao 0475 49 34 63.
Wae wille uch én Jumbo Heerschap bie väörbaat hertelik dank väör dit geweldige initiatief.

Gebaortegolf inne Raod



Det de leje vanne Raod van Elluf ’t erg drök höbbe waas al langer bekindj. Opbouwe, aafbraeke, väöl wèrk inne eige commissie en gank zoeë mer door. Toch weerheel det se neet óm ouch thoes wèrk te verzètte. ’T resultaat; ein ware gebaortegolf. Wie gebroekelik waere alle kiendjes van leje van ós vereiniging door de Prins geridderdj. Ómdet ’t dit jaor mer leefst vief kieër pries waas, waerdje veer vanne vief tegeliekertied, door inmiddels Aod-Prins Niels I, óngersjeije. Guus Geukenmeijer waas al ierder óngersjeije en ontbriktj oppe foto.

2015 - 2016 Prins Niels I en Jeugdprins Jente I

Op zunjig 22 november 2015, zoe rondj de klok van drie, leep de spanning duchtig op in De Bombardon in Heitse. Achter de coulisse stinge twieë kaerels die dalik oetgerope zoje waere as Jeugd- en groeëte Prins van De Kwakkert. Als ieërste waas 't de bäört aan de Koeleköpkes. Ónger toezeendj aog van de jeugdraod, kwoom Jente Voermans nao väöre als häöre nuje Jeugdprins. Jente is de zoon van Roland en Karin Voermans en breurke van Daphne. Mer Jente I haaj ouch nog eine waereldprimeur väör Heitse. Väör 't ieërst staon d'r twieë vrouwelikke adjudante naeve 'm. Anke Rutten en Jade de la Bretoniere zulle Jeugdprins Jente I gedorendje de ganse vastelaovendj assistere woe ze mèr kinne. Jente zal äöver 't Koeleköpkes-rieëk regere ónger ziene liefspreuk "Mèt dees twieë maedjes aan mien zie, bèn ich van de partie".

Daonao waas 't de bäört aan de groeëte Prins! Ónger leiding van de nuje Vorst Toine I, is 't Niels Joris dae dit jaor de steek mèt vaere moog drage. Niels is getrouwdj mèt Marlon en same höbbe ze drie wichter, Jonah, Luca en Wiebe. Leiding gaeve zitj Niels in 't blood, want äöverdaag zweitj Niels de scepter bie metaalverwerkingsbedrief De Smidse. Niels is actief bie de voetbalclub als leider van de E1. Verder meuktj d'r deil oet van de vrunjegroep Altied gèt! Niels I zien adjundante zeen John Vestjens, Paul Schreurs en Patrick Joosten. Ónger ziene liefspreuk "Vastelaovendj, iezersterk" zal Prins Niels I same mèt Jeugdprins Jente I dök väörop gaon in de polonaise en is De Kwakkert klaor väör weer ein sjoeën vastelaovesseizoen.


Marie & Truy winne HVK 2016

Ein groeët fieëst…, zoeë kinne we 't Heitser Vastelaovesleedjes Konkoer 2016 't bèste betitelen. Mèt als oeteindelikke winnaar ein, in Heitse, waereldjberoemdj duo. De jury haaj 't dit jaor neet gemekkelik. Alle kandidaten wore aan elkaar gewaagdj. Rianne, De Kweikels, Fantas & Ties, Marie & Truy (of is 't Truy & Marie?) en de commissie Koelekop; ze ontlepe elkaar neet väöl. Mer zoas bie edere wedstrijd, deilneme is belangrieker den winne, mer op 't inj van de rit mót d'r toch eine winnaar gekóze waere.
Oeteindelik ging 't tösse Fantas & Ties en Truy & Marie. Ondanks 't feit det Fantas & Ties zich eine Kwakkert op de rök haje laote tatoeëren, ginge Truy & Marie d'r mèt de hoofdpries vandoor. 'T "Draan, draan, draan" zulle wae toet en mèt 9 fibberwarie nog dök huuere.

De Kwakkert steuntj Rett-vereniging

Op aswoonsdig 2014 vroog Pestoeër Vankan aan ós vereiniging óm ins nao te dinke äöver de maatsjappelikke betrokkenheid van ein vastelaovendjvereiniging. En den mèt name aan de wichter die ouch gaer vastelaovendj zoje wille vere, mer det door ómstandigheden neet kinne. Wae as Kwakkerte höbbe ós det natuurlik aangetrókke. Wae vinje 't hieël erg det d'r minse zeen die geine vastelaovendj kinne vere, of überhaupt aan 't gewuuene laeve kinne deilneme wieë gae en wae. En al zoot se det hieël gaer wille, sommige dinger kin se neet verangere. Was se waal kins doon, is die minse probere te helpe. Wae, as vastelaovesvereiniging De Kwakkert, höbbe gemeindj de Nederlandse Rett-syndroom-vereniging te steune. Het Rett-syndroom is ein ontwikkelingsstoornis die in 99% van de gevalle bie maedjes väörkumtj. Nao de geboorte liektj d'r in ieërste instantie niks aan de handj, mer in de 6e toet 18e maondj traeje de ieërste symptome op. De ontwikkeling vertraogtj en verlees van communicatieve en motorische vaardigheden traedj op. De Kwakkert haet buttons laote make mèt de tekst "Ich steun Rett, want det duit mich get". "De buttons waere verkochtj op alle activiteit die ós vereiniging dit jaor organiseerdj en bie Melange". Ze zeen te koup väör € 2,- per stök en de ganse opbringst geit nao de Rett-vereniging. Mieër informatie äöver 't Rett-syndroom kintj gae vinje op www.rett.nl

Wat zoje wae 't sjoeën vinje as edere Kwakkert zaet, Rett, det duit mich get, ich doon mèt!!!

2014 - 2015 Prins Maarten II en Jeugdprins Quin I

Op zunjigmiddig 23 november 2014, óm 16.11 oor, waerdje Maarten van Goor oetgerope as de 60e Prins van ós vereiniging. Ónger ziene liefspreuk "Optocht, Borebroeloft of Haas, ich gaef gaas" zal Maarten II ós dit jaor väör gaon. Maarten is getrouwdj mèt Lieke. In het dageliks laeve is d'r werkzaam as teamcoördinator op de aafdeiling longfunctie van 't Laurentius Ziekenhoes in Remunj. We móge d'r dus van oet gaon det d'r aom genóg haet óm duchtig te fieëste. In Heitse duutj Maarten eine duchtige stempel op 't vereinigingslaeve. Lid van VC Draan, väörzitter van de Stichting Borebroeloft en actief speler in 't ieërste van volleybalclub HHC. Same mèt zien adjudante Nico Theunissen, Teun Verschueren en Ruud Hermans zeen de Heitser luuj verzekerdj van eine sjoeëne groep minse die 't roeëd-gael-gruuen hert oppe gooj plaats höbbe zitte.






2013 - 2014 Prins Lars d'n Iërste en Jeugdprins Koen I

En dao zoot d'r den…, inn kelder vanne Bombardon. Wachte en nog ins wachte. Same mèt zien adjudante enne dames! En den is 't zoeëwiet... 't Oetrope geit beginne. Ieërst väörstelle ane Raod van Elf (väör zoeëver det nuuedig waas…), en danao de bühn op. Nao ein spectalucaire film, maondje van väörbereijinge, moog ederein 't weite.
De nuje Prins vanne Kwakkert is Lars Frenken.

Same mèt zien adjudante Ruud Kanders, Teun Verschueren, Roy Geraets, en natuurlik de onväörwaardelikke steun van zien Evelien en de dames vanne adjudante enne Raod van Elf, is Heitse d'r klaor väör. Ein nuj vastelaovesseizoen is begósj.

Ónger ziene lieëfspräök "Draan, det wétj nemes" zal Lars I regere äöver 't Kwakkerteriek. Inne café, inne Bombardon of oppe straot, äöveral zal d'r acte de presence gaeve en väörop gaon in 't fieëstgedruis. Gae hooftj mer aan te sloete en mèt te doon. Same waertj 't den ouch dit jaor weer óngetwiefeldj eine vastelaovendj "Heitse waerdig". De minse oet Heitse kinne Lars als voetballer van 't twieëdje van Heitse en as jeugdleider van ein damesteam. Verder is Lars actief lid vanne sjötterie en zitj d'r bie de leiding van KVW. Äöverdaag verdeentj d'r zien geldj as tummerman bie Schroën.

Lars I recipieert op zaoterdigaovendj 22 fibberwari 2014.


2012 - 2013 Prins Maurice d'n Iërste en Jeugdprins Noud I

Tiësto, Armin van Buuren, Afrojack; allemaol bekindje DJ's die de waereldj inmiddels veroverdj höbbe. De kaertjes väör häör optraejes vinje gretig aaftrèk en zeen binne de kortste kieëre oetverkochtj. Op zaoterdig 17 november hoofdje ze gein kaertje te kaope väör 't Prinsebal in Heitse, de entree waas vrie. En det waas te merke. In eine sfeervolle Bombardon waerdje Maurice Verkoulen, ònger het thema "De Prins drèjtj door" gepresenteerdj als de 58e Prins van v.v. De Kwakkert. En waal mèt zo'n act woeë ós bekindje Nederlandse DJ's jaloers op zoje zeen. Same mèt zien adjudante Mark Zoutzen, Roel Verheiden en Frank van Horne en ónger ziene liefspreuk "Ederein op waeg, wae gaeve 'm 'n duchtige vaeg" geit Prins Maurice I 't komendje vastelaovendjseizoen regere äöver 't Kwakkerteriek. En uiteraard óngersteune zien vrouw Vera en zeen kinjer Tuur en Pien 'm de ganse vastelaovendj.

Äöveral woeë get te doon is vanne Kwakkert zultj gae 'm taegekome. Det begintj al aanstaondje zunjig bie 't HVK. Väör de allerieërste kieër zal de Prins van Heitse hie aan mèt doon en eine goeëj doon nao de titel "Heitser Slager". Väör diegene die 't Prinsebal höbbe gemistj, de ultieme kans óm kinnis te make met óze nuje Prins.

Maurice I recipieert op zaoterdigaovendj 2 fibberwari 2013.
Plaetjes kintj gae hie bekieke...filmke hie



2011 - 2012 Prins Joep d'n Iërste

In eine bomvolle Zaal waerdje aafgelaupe zaoterdig Joep van Lier als de nuje Prins vanne Kwakkert oetgerope.

Op ein magische spectaculaire meneer kwoom Joep I teväörsjien as nuje Prins. Joep I zal same mèt zien vrouw Hetty, zien wichter Tom en Noud en twieë adjudante, Lou Pouls en Emiel Vullers 't komendje jaor regere äöver 't Kwakkerteriek.

Nao 't oetrope waas d'r ein geweldig fieëst ónger aanveuring van De Badmötse.
Joep I recipieerdje op zaoterdigaovendj 11 fibberwari 2012. Plaetjes kintj gae hie bekieke...

"Proklamasie".
Bie de grasie van de Kwakkert en de waalwillendjheid van Vorst Bart I
en ziêne alwiêze Raod van Ellef, 57ste Prins van dees Kwakkertepool,

SALUUT

Wae proklamere, det de regering is äövergenaome van Prins Tom I,
en det wae as liefspräök zulle veure:
"Boete voetbal of 'nne piel in 't hert, traeje wae 'm noe duchtig oppe stert".


Wae, Joep I,

Kómmandeur; inne orde van iezer, en al 't angere waat besjermdj mót waere
Offeseer; inne orde van piele goeëje, en duchtig kake naeve de lien
Graaf; van de Neerakker nao de Sjöttersdreef, van doa-oet nao 't kepelke van Frits van Minus Merteng, naeve de tuinbouwloëds van ome Piet de randjwaeg äöver, bie Jespers Frits rechtsaaf nao de Gueëds, en weer oppe Bevelandsebaek aan, de randjwaeg äöver, naeve de möle en 't Antoniuskepelke, den bie de Tieëndjerwaeg nao appelebóngerd van Paul vanne Köster, en den op hoes aan
Landjhieër; van de Neerakker, 't Aoreven en de Bevelandsebaek
Besjermhieër; van Hetty, Tom en Noud
Groeëtvorst; van twieë Dartclubs en de D 2

Wae proklamere wiejer;
(ten)

1. Det 't Leudal ziene naam as greun gemèndje alle ieër aanduit, ómdet de drek op väöl plaatse duchtig omhoeëg kumptj, en det ze inplaats van die deur liksteul in 't nuuj gemèndjehoes, baeter get sjoeffels haje kinne koupe
2. Det de Zaal de cultuur op 'n hoeëger plan wiltj gaon bringe, mer det wae ós aafvraoge waat nog mier cultuur is as, pakweg de Vastelaovesvereniging of de Harmenie
3. Det gae mer good wètj: Popla, Keizer, Admiraol ….. de gemèndje gebroektj de archiefstökke allemaol
4. Det de minse noe ouch in Hongarije Sinterkläöske kinne, mer den geine met 'nne lange baard, mer waal 'nne mèt 'n kaal köpke
5. Det van de zomer, KVW 'nne optocht haaj zónger gate, en det de väörzitter van de optochtcommissie ,d'r zoeë van aaf waas, det d'r zich vast raej in de optocht
6. Det wae haope, det de gemèndje bie de mölefieëste, die ze duchtig gesponsordj haet, ins good in de spegel haet gekaeke, en det ze d'r achteraaf de vot neet hoeëg van haet kinne opgoeëje
7. Det ederein dae bie 't pleinfestein waas, dao hoondervel haet gekraege
8. Det die van Roggel gelök höbbe gadj, det ze in Heitse geine Formule-1 wage kóste laote rieje, ómdet 't net kèrmis waas
9. Det de Raod van Ellef, op 't handjbalveldj draan ging wiej kappesmoos, en det wae ´t den väöral äöver de derdje helft höbbe
10.Det de Bóntje aovendj op 'n hoeëg peil stóng, en neet allein ómdet vanaaf dit jaor, de Revue gepasseerdj is
11.Det wae 't hiebie zulle laote

Gegaeve, wiej Bart beldje, en Hetty taege mich zag: "zuusse, ich wist 't."
Prins Joep I

Verenigingsfieëst 2012


v.v. De Kwakkert wintj handjbaltoernooi VIOS.

Det eine Kwakkert zich thoeës veultj in 't water waas al bekindj. Mèr zaoterdig 26 mei bleek det leje vanne Kwakkert ouch op 't vaste landj good ònger de veut oet kinne. Op 't handjbaltoernooi van collega-vereiniging VIOS ging eine mix van Jeugdcommissie, Aod-Prinse, Raod van Elluf, aangevuldj mèt ein jonge dame oet ein good nest, de strijd aan mèt anger plaatselikke teams. 't Waas d'r heit aan! Neet allein qua temperatuur, mer ouch qua inzet. D'r waerdje duchtig geduudj en getrökke in 't veldj, mèr zoals 't eine gooje Kwakkert betaamdj, dae leutj zich neet gauw oet 't veldj slaon. Zes puntje oet drie wedstrijden waas de maximale score. En dus kös de väörzitter (väör dees gelegenheid ouch de coach), de cup mèt de groeëte oere in ontvangst neme. Det 't daonao nog lang gezellig bleef hooftj verder neet vermeldj te waere.

Rabobank Sponsort
Beste Vastelaovesvrunj,
Noeë de vastelaovendj er al weer ein paar waeke op zitj, dinke wae toch al weer ein bietje stiekem aan 't volgendj jaor. Zoals elke vereniging is ouch v.v. De Kwakkert in groeëte mate afhankelik van sponsors. Zònger de hulp van bedrieve kinne wae de vastelaovendj neet eeder jaor opnuu organisere. De Rabobank is ein vanne groeëte geldsjeeters van v.v. De Kwakkert. En dao zeen wae häör hieël dankbaar väör!

De Rabobank haet noeë alle vereniginge en stichtinge oet Maas & Leudal op eine haop gegoejd en afhankelik van het aantal stumme det ein vereniging kriegtj, kriegtj dees vereniging ein deil oet het sponsorpötje. Het is van groeët belang det d'r zoeë väöl mögelik minse op v.v. De Kwakkert stumme. Als gae ein reakening höbtj bie de Rabobank höbtj gae eine breef gekrege woeë insteit wie alles werktj. Als gae ingelogdj zeetj oppe site vanne Rabobank en in het "zoekveld" "Kwakkert" intiktj, zeet gae òs vanzelf staon. Ein stum is al geweldig, mèr twieë stumme is natuurlik fantastisch. Names alle leje van v.v. De Kwakkert, eine DIEKE MERCI!


Kwakkert On Tour
Vastelaoveszunjig zal vanaaf 20.00 oor in café Den Hook de "Kwakkert On Tour" georganiseerdj waere. Ein muzikale waereldjreis door Klein Paries. Aoje slagers, aafgewisseldj mèt nuje, gemaaktj door échte Heitser artieste. De meiste nummers kintj de gemiddeldje vastelaoves veerder lekker mètzinge. En kintj gae de tekst neet, gein probleem.

Aansloete inne polonaise kintj ederein. Ónger 't genot van ein lekker glaeske beer, getaptj door de winnaars vanne "Gouwe Tapknoep", belaoftj dit op väörhandj eine geslaagdje aovendj te waere. Inkele artieste die op zulle traeje zeen: Prinselikke Hofkapel, Rianne, Har & Elly, Heitser Maedjes (de aoje én de nuje), DieDrie (vanne Sjötterie), inkele aod-Prinse en netuurlik oze eige Prins Joep mèt ziene Schlager.


Geslaagdj Bóntj Weekend
Aafgeloupe weekend waas 't ein drökdje van belang inne zaal. Vriedigs sting de ieërste Bóntje Aovendj op 't program, zaoterdigmiddig de Bóntje Middig väör de Heitser Jeugd en s'aoves weer de twieëdje Bóntje Aovendj. Drie kieër waas de zaal eigelik te klein, zoeëväöl minse woje d'r niks van misse. En terecht… 't wore ein paar sjoeën väörstèllinge mèt échte Heitser, groeëte én kleine artieste.

Op vriedigaovendj aopendje Har & Elly, same mèt de Heitser Maedjes de Bóntje Aovendj. En det waas geliek de groeëtste verrassing vanne aovendj… nuje, jóng Heitser Maedjes! Mer ouch de angere artieste… Ein aaneinsjakeling van hoeëgstaondje dans, meziek, buut en sketches vuldje veer oor lang eine geweljige aovendj.
Op zaoterdigmiddig waas 't de bäört ane Heitser jeugd. Ónger leijing van Jeugdprins Sil I en presentator Jeroen Stultiëns waerdje ederein getracteerdj op eine hieële sjoeëne middig. De sjips "krumeldje riekelik" en de läötjes vanne tombola vónje gretig aaftrèk.

De commissie Bóntje Aovendj hooftj zich de komendje jaore in eder geval gein zörg te make. Op deze middig blaek det d'r genóg talent in Heitse róndj löptj woeë ze de komendje jaore mèt väöroet kinne.

Zaoterdigaovendj waerdje de Bóntje Aovendj nog ins dunnekes äöver gedaon. Hillarisch woor "Hopolozo". Naodèt ein vrouw (waem waas det?) inne zaal bienao stikdje van 't lache, sjaot Thijs zoeë inne lach det häöre sketch ein kwarteer oetleep.

Langs deze waeg wille wae ederein hertelik bedanke dae dees Bóntje väörstèllinge toet ein succes höbbe gemaaktj. Van bühnemeisters toet sminkers, van koffiejuf toet regiseur, van borekapel toet spraekstalmeister en netuurlik alle artieste. Zónger de mètwèrking van al dees luuj waas 't neet mäögelik óm zó'n sjoeën prestatie te levere. Op nao volgendj jaor.


DieDrie (vanne Sjötterie) winne HVK
In ein aafgelaje café Den Hook höbbe "DieDrie (vanne Sjötterie)" de hoofdpries inne wacht gesleiptj. Mèt 't leedje "De Klink" wiste ze de jury te äövertuge van häör kwaliteite. Alle inspanninge vanne versjillende groepe vanne lètste waeke waerdje oppe biljaar van Den Hook tentoeën gespreidj.

En zeker nao "de brake" vloge de vónke d'r van aaf. Mekkelik waerdje 't de jury neet gemaaktj. Det blaek waal oet 't feit dat in allerijl nog eine "originaliteitspries" in 't laeve waerdje gerope. Hie ginge De Ameezing Kweikels mèt ane haol. De drie moge 't leedje noe op cd gaon zètte. Wae zeen d'r van äövertuugdj det wae det leedje nog hieël dök gaon huuere de kómendje vastelaovendj. Vanaaf dees plaats wille wae DieDrie (vanne Sjötterie) nogmaals van herte proficiat winse.


Oetslaag Pleebek Sjoow
Op zunjig 23 oktoeber jl. ging 't daak d'raaf bie de Pittt. En den te bedinke det de Pittt inne kelder vanne Zaal liktj…

't Waas eine geweldige sjoeëne middig woeëbie alle artieste d'r eine geweldige show van höbbe gemaaktj. De jury waas verdeiltj, mèr oeteindelik höbbe ze de prieze toch weite te verdeile.

De oetslaag:
Jongste deilnemers: 1e: Revi Reijnders (Tik Tok - Kesha)
2e: Arwen Hahnrats (Blijf je vanavond bij mij - Monique Smit)
3e: Op ein gedeildje derde plaats;
Beau Lommen (Ik ben een teenager - Rachel)
Rolien Driessen en Marieke v/d Warenburg (Yeah, Yeah - Junior Songfestival)


Gèt aojere deilnemers: 1e: Lisa Heffels en Dani Ramaekers (Pack up - Eliza Doolittle)
2e: Dani Ramaekers en Jacha Verstraelen ( Eén zomer lang - Nick en Simon)
3e: Evy Hahnrats (Single Ladies - Beyonce)

Ein speciale felicitasie waas d'r väör Jacha Verstraelen en Lisa Heffels. Zoeë waal Jacha als Lisa deeje al väör de viefdje kieër mèt anne Pleebek Sjoow.

Eine dieke merci aan alle artiesten, medewerkers van C.C. De Zaal, DJ Rob, alle vrijwilligers en alle leje van De Koelekop en van De Kwakkert die hun steinke bie höbbe gedrage. Wae häöpe ouch volgendj jaor weer op uch te mòge raekene.
Bekiek hie de Pleebek sjoow plaetjes

2010 - 2011 Prins Tom d'n Iërste en Jeugdprins Coen I

De 28-jarige Tom werd op zaterdagavond 13 november in "de Zaal" uitgeroepen als 56e Prins van VV De Kwakkert. Tom zal tijdens zijn regeerperiode terzijde worden gestaan door Anouk.

Zijn vaste begeleiders tijdens het 'Vastelaovessezoen 2011' zijn de adjudanten Jules Kierkels, Martijn Geenen en Edwin Stevens.
Tom I zal als lijfspreuk voeren:

"Alle Kwakkerte oet häör daak, want ich goeëj raak"."

Tom is actief in de Heitser gemeenschap bij de hoofdleiding van het Kindervakantiewerk. Verder handbalt hij in het 1e team van VIOS.

In het dagelijkse leven werkt hij bij de gemeente Nederweert in de functie van vergunningverlener milieu.
Tom I recipieert op zaterdagavond 26 februari 2011.

Foto's van deze gebeurtenis kintj gae hie bekieke


Daagbook van Prins Tom I

Prins Tom I haet zich väör genómme, óm regelmatig zien daagbook bie te haoje...

20-2-2011 - 't Kei-Greu-matinee
Óm 15.15 móste wae bie ‘t fieëstpaviljoen naeve Vullers zeen want dao wore wae oetgenuuedigdj door Keigreun väör ‘t Kei-Greu-matinee. Vanaaf ‘t begin zoot de stuming d’r good in en waas ‘t ein gezellig fieëst. Väöral toen “Da ma Zoe” begós mèt heur optraeje waas de tent eigelik te klein. Jeugdprins Coen I en ich kraege alletwieë eine groeëte halve liter beer inne henj geduudj en dae höb ich den mer opgedrónke en Coen haet ziene mer aafgegaove want dao mót hae nog mer ff mèt wachte. Mer in eder geval de stumming zoot d’r hieël good in.

13-2-2011 - oetrope borebroedspaar
Wae begóste óm 12.00 oor bie Vullers mèt eine brunch. Deze waas ouch al hieël gezellig en lekker. Óm 17.15 móste wae bie De Hook zeen want dao waerdje ‘t borebroedspaar 2011 bekindj gemaaktj. Dit zeen Marcel en Sylvia gewaore en ich dink det ‘t nog waal ins eine hieële gezellige vastelaovesdinsdag kan waere. Mien complimente väör de organisatie van de Borebroeloft. Gae höbtj weer ein sjoeën borefemilie bie ein gebrachtj.

11-2-2011 en 12-2-2011 - ieërste Heitser Bóntje Aovendj
Nao ein paar kieër geoefendj te höbbe waas ‘t tied väör de ieërste Heitser Bóntje Aovendj. Op vriedig waas de zaal net neet hieëlemaol vol mer op zaoterdig waas d’r oetverkochtj. Vanaaf ‘t begin zaat de stumming d’r good in. En de aovendj vloog óm. Bie ein stuk kwaam zelfs Boer Frank en Boer Marcel (waem kintj ze neet he.....) ‘t podium op loupe. En de hieële zaal óntplofdje. Ouch kwaam ein delegatie van de Gemeindje Neiwieërt óm mich te felicitere ómdet ze mèt de Prinsereceptie verhinjert zeen. Dit vónj ich echt ein hieël sjoeën gebaar en hieväör wil ich de Gemeindje Neiwieërt dan ouch bedanke. Al mèt al mót ich zègke det de aovendje allebei harstikke sjiek ware en de artieste höbbe d’r wat sjieks van gemaaktj.

6-2-2011 - ‘t Sinterkläöskesbal
Direct nao det wae binnekwome begós Jónk Geweldj mèt häör optraeje en ze wore zoeëas altied good. Hienao kwoom nog eine buutredener, Marleen Mols, Har en Ellie en eine special gast. En det woor nemes minder dan Aaldje vanne Gemeindje Naejwieërt. ‘t Waas eine hieële gezellige middig en ouch ‘nne gezellige drökke middig.

5-2-2011 - Beerstaeke 2011
Väör de ieërste kieër in de gesjiedenis vanne Kwakkert ginge wae nao Wijlre nao ‘t “Beerstaeke 2011”. Toen wae mèt de bös dao aankwome mochte wae, miene adjudant Jules en ich, same oppe foto mèt eine vertegewoordiger vanne Brand beer brouwerie. Wae mochte tösse de kaopere kaetels in staon en dao waerdje ein paar foto’s gemaakt van ós. Toen we daonao mèt z’n twieëje de tent in lepe haaj de Raod van Elf zien plaats al ingenaome väöraan ane buun. D’r ware 40 vereiniginge oetgenuuedigdj. Mer de optraejes ware fantastisch ónger angere Kartoesj, Toddezek, Big Benny en Beppie Kraft. De hieële aovendj waas echt fantastich.

29 en 30 jannewarie 2011 Maxet weekend
Dit weekend sting hieëlemaol in 't teike van Maxet. De groeëte prins en jeugdprins waertj namelijk oetgerope van CV De Kakers. We móste óm 20.00 oor verzamele bie Vullers en vandao oet ginge wae nao Maxet. Nao 'n tiedje kwoom de "kast" aanrieje mèt de nuje prins drin. Ich mocht de kast aope make en dao sting Prins Dyon I. De rest vanne aovendj is echt ómgevlaoge 't waas echt ein super fieëst. De daag daonao höbbe wae 't nog ff äöver gedaon. De jeugdprins waerdje oetgerope door oze eige jeugdprins Coen I. Toen Coen de "kast" aope mook sting dao Jeugdprins Sjuul I. De rest van de middig waas netzoeëas de aovendj van te väöre óm gevlaoge. Echt ein hieël gezellig weekend.
De foto's van dit weekend kintj gae hie bekieke.

23-1-2011 - contract ongerteikene ieërste Lindeboom Vastelaoves PleinfestijnOm 13.15 haai ich de ieër om samen mèt Vorst Bart nao et Gemeintehoesplein te gaon en dao et contract te ongerteikene veur het ierste Lindeboom Vastelaoves Pleinfestijn. Versjillende miense waore dao mer de hoofdpersonen waore Leon Moonen (3ml) en Ted Scheeren (Lindeboom).

Dees twieë miense zeen de organisotor en hoofdsponsor van (hoopelijk) ein nuuj traditie en fantasties festijn. Dit festijn kumktj väör de miense die et te druk vinje bie de “stasie” of in “De Koel” of die gewueën lekker dicht bie hoes wille blieve. En waat ich zo om mich heen huur den kòmme der toch al ein paar minse dus ich bin benuujd.

Hienao zeen we weer mèt de bus nao de receptie van de Plekplaosters oet Baoksum gegaon. Die besjtaon dit jaor 5 keer 11 jaor. En det höbbe we geweite want wae höbbe eine lange tied mótte wachte toet wae eindelijk dan Prins John II koste felicitere. Mer ich vonj et hieëlemaol neet vervaelendj òm zo lang te motte wachte want 't waas weer ein sjiek fieëst mèt ein hieële haup carnavalsverenigingen oet de regio dus mèt de stumming en sfeer zoot et waal good.

16-1-2011 - Jeugdprins oetropeVandaag ginge wae de Jeugdprins oetrope. En de Jeugdprins is ouch ein hieël belangriek deil van miene vastelaovendj want wae mótte 't toch same doon dus ich bin benuudj. Vanaaf Vullers toet De Hook ginge wae mèt meziek van de Prinselijke Hofkapel äöver de straot. In de Hook aangekómme waas 't tied väör Stan óm afsjied te numme. Hae haaj ein hieël sjiek (en lank) aafsjiedswäördje. Mer noe waas 't tied väör 't echte werk, de Jeugdprins van 2011 waertj bekindj gemaaktj. Vorst Bart en ich móste 't podium op en repe óms te bäört ein jungske van de raod nao baove. Dees kraege ein väör ein de vraog of hae de nuje Jeugdprins waas. Mer allemaol zagte ze nae….Dae eine kaldje te hel, dae angere haaj ein verkieërdje möts. Toen móch ich 'm den echt nao väöre rope en dao kwaam d'r den, door ein moor van pepeer haer gesprónge, oze nuje Jeugdprins Coen I.

15-1-2011 - Petie Parie Partie - Part VIVandaag waas 't tied väör de Petit Parie Partie - Part VI. D'r wore 16 kapelle en ich waas same mèt Maarten Peskens en Eed Cillekens jury. De sjoeënste kapel waas toch oos eige Jónk Geweldj die same mèt mien drie adjudante optraoje. De optraejes waerdje wie later wie baeter. De lèste kapel waas de Drakekapel oet Beesel. Dees höbbe 't 6de deil van de Petit Parie Partie ouch gewónne. Bekiek hie de plaetjes

9-01-2011 - Prinsereceptie van Kelpen-Oler (de Kujeldreiers)Vandaag moog ich väör de ieërste kier mien Prinspak aan in mien prinsejaor 2011. De prinsereceptie van Kelpen-Oler (de Kujeldreiers) sting op ut program. Wae vertrokke bie de kwakkertepool mèt de bus nao Kelpen-Oler. Dao aangekomen waas de jeugdprinsereceptie van Jeugdprins Jur en Jeugdprinses Sharon al bezig. Aansloetendj waas de receptie van Prins Wim I en Prinses Tilly. 't waas al mèt al eine hieële gezellige daag. Toen wae 't podium op moste sting Aod Prins Rob van de Kujeldreiers auch op 't podium want dae most alles presenteren. Rob dae kos ich nog waal want dae haaj gezellig bie ós gestaon mèt het MLLF. Nao de receptie ging 't fieëst nog effe wiejer en toen zeen wae weer richting Heitse gegaon.

11-12-2010 - op bezeuk bie ut Koeleköpje
11 december waas 't tied om nao ut Koeleköpke van ut jaor 2010 te gaon. Samen mèt Jeugdprins Stan II en zien gevolg zeen we op bezeuk gegaon bie Jesse Timmermans, gebaore op 11 november dus ein echt vastelaoveskindj.
Jesse is 't jungske van Sabrina en Marco Timmermans en 't breurke van Sten en Jana. Wae waerdje meteen door Vorst Bart aan 't wèrk gezatte want Stan II en ich mochte allebei Jesse ridderen. Hienao höbbe wea nog lekker besjuut mèt muuskes gegeate en nog get gedronke. Ich wil Sabrina, Marco en de rest van de familie nogmaals proficiat winse en ich hoop det gae väöl plezeer en gelök got belaeve mèt Jesse. Nao ut Koeleköpke van 't jaor höb ich mien Prinse Pak oetgedaon en bin ich nao 't MLLF (Midde Limburgs Leedjes Festival) gegaon om oos eige Heitser Meadjes te sjteunen bie hùn debuut bie 't MLLF. En ze zeen nao ein hiel sjiek optraeje gedeildje 3de gewaore. PROFICIAT. Bekiek hie de plaetjes

28-11-2010 - Heitser Vastelaovensleedjes Konkoer
De week daonao (28 november) waas veur de ierste kier het HVK (Heitser Vastelaovensleedjes Konkoer). 6 fantastische toet gooie toet hilarische artieste haaije zich opgegeven om de sjlager te zingen. In de Kwakkertepool hing vanaaf ut begin ein fantastische sfeer welke de ganse daag bleef hangen. Det waas te merken aan eederein dea dao waas van jonk toet aod. De Heitser Maedjes moge zich winnaar neume van het HVK 2010 en ze mogge als pries den auch samen mit Jos Kluskens (publiekswinnaar) ut nummer in de studio op ein cd gaon opnumme. Dus we zulle hopleijk ut nummer nog vaak truuk huure zodet we kinnen truuk dinke aan eine hele sjieke middig (daag). Bekiek hie de plaetjes

21-11-2010 BLC Treffen in Horst
Op 21 november sting ut BCL treffe in Horst op ut program. Toen we dao mit de Boore Kapel en de Raod van Ellef aan kwaome wis ich al det et iets moois zou weere. De Merthal was verbouwtj toet fiesttent en det waas waal te zeen. Der ware 57 carnavals vereniginge dus al mit al een gezellige drukke boel. Nao det we de optocht gelaupe haaije hubbe we kinnen geniete van een paar echte limburgse artieste die der echt ein fantastisch feest van maoke. Toen we in Heitse aankwaome mocht ich nog de Prinsefoto ophange bove de bar van de Kwakkertepool. Dit was ut zoveulste prachtige moment al in mien korte Prinsetied. Bekiek hie de plaetjes

2009 - 2010 Prins Eric d'n I (jubileumprins) en Jeugdprins Stan II

Prins Eric I is zaoterdig 15 november 2009 oêtgerope als de nuuje prins vanne Kwakkert.

Eric Vrenken is de nuuje prins van VV De Kwakkert in Heythuysen. Hae is auch nog eine jubileumprins, want de Kwakkert veertj dit jaor 't 55-jaorig bestaon.

Eric I zal als lijfspreuk voeren:

"Kwakkert of Kaker det is good, Vastelaovendj zitj ós in 't blood"

De 43-jarige Eric werd op zaterdagavond 14 november in "de Zaal" uitgeroepen als 55e Kwakkerteprins. Eric is getrouwd met Susan en ze zijn de ouders van drie zoons: Jeroen, Martijn en Rick.

Hij zal het 'vastelaovessezoên 2010' als adjudant terzijde worden gestaan door Chrit Baetsen, Marc Dorssers en Ron Verstappen. Eric is vorst van vv de Kakers, de 'vastelaovesvereniging' van buurtgemeenschap 't Maxet.

Zijn drie adjudanten zijn alle drie actief bij de Raad van Elf van vv de Kakers. Verder speelt Eric jachthoorn in de jachthoorngroep 'Hurleur du chien de St. Hubert'. Bovendien is hij actief jager en een fervent kleiduivenschutter. In het dagelijkse leven leidt hij, samen met zijn vrouw Susan, een handelsbedrijf in dak- en gevelplaten. Eric recipieert op zaterdagavond 6 februari 2010.

Foto's van deze gebeurtenis kintj gae hie bekieke


2008 - 2009 Prins Martijn d'n Iërste

Martijn Geenen was in ut aafgeloupe ‘vastelaovessezoen’ 2008-2009 de Kwakkerte-prins, en als adjudant terzie gestoan door Luc Houben en Rob Geenen.

Martijn speeltj Bariton Saxofoon bie Harmonie L’Union en de Zate Hermenie Jónk Geweldj. Verder handbalt d`r in het 2e elftal van VIOS.
In het dagelijks laeve is Martijn gedetacheerd bij ASML in Veldhoven, doa wirkt d`r als engineer bie de ontwikkeling van chipmachines.

Martijn I zal als lijfspreuk voeren:

"Fieëste mèt of zónger Jónk Geweldj, plezeer höbbe det teltj"

Laes hie zien Proklamasie.

In de tössetied kintj gae de Vastelaoves Gezèt 2009 nog ins laeze en waal vanaaf 't beeldjscherm
Lèt waal op 95Mb, kan effe duure


Wae höbbe ein nuuj Koeleköpke in 2009
En Lewis is de naam. Kiek hie väör de foto's van 't kiendje en zien gruëtse aojers.


De Kwakkert" 5 maol 11
Dit jaor besjteit Vastelaovend Vereniging "De Kwakkert" 5 maol 11 jaor, en dèt laote wae neet zonger sjlaag of stoët aan uch väörbie gaon!


Heitser Jong in Afghanistan

Eine Heitser Jong in Afghanistan mèt de Kwakkertevlag, de naam is Philippe Wagemans
Philippe is eine egte Kwakkerte- en vastelaovendsgek, zit noeë in Afghanistan en waerdj dao gek omdet d`r de vastelaovendj en os Kwakkerte mot misse. Wae höbbe hem ein vastelaovesgezet en de cd vanne Prins toegestuurdj. Hae probieërtj dao aevegood ein bietje vastelaovendj te make mer hae haet `t neet mekkelik omdet d`r leever hiej beij os Kwakkerte zooj zeen
Philippe ALAAF.


V.V. de Kwakkert keestj nuje väörzitter.
Nao ein periode van 9 jaor haet Jos de Kunder beslaote de väörzittershamer van V.V. de Kwakkert door te gaeve, ein keus die door de leje gerespecteerdj waertj mer ouch jaomer waertj gevónje.

Jos noom in 1999 't väörzittersjap op zich, d'r waas toen geine väörzitter en geine secretaris. Same mèt ein paar aod prinse van V.V. de Kwakkert,woeë Jos d'r eine van is, kwoom men toet ein vernujing in 't bestuur mèt eine nuje kapitein aan 't roer. Jos, eine man dae sting väör vernujinge, haaj 't in dae tied neet gemekkelik mer wis zich d'r toch vol äövertuging door haer te slaon.. De aod prinse, de jeugd en de meziek waerdje mieër en mieër aan de vereniging gebónje en de Heitser Revu kraeg zien aandacht die ze nuuedig haaj.

Same mèt inkele angere wist Jos eine nuje Vorst op te vèsse en binne te haole woeëdoor de Kwakkert nao vorst Sjang weer ein nuje gangmaeker kraeg in de persoeën van Vorst Bart.

V.V. de Kwakkert steit weer hieëlemaol op eige veut en kan de toekómst aan. Juust op dit moment geuftj Jos de väörzittershamer äöver en det liektj ouch ein good moment.

Tiedens de algemeine lejevergadering waerdje Jos oetgebreidj in 't zönke gezatte en waerdje sjoeën wäörd gespraoke door Herman Scholtens, de penningmeister dae al die jaore mèt Jos in 't bestuur gezaete haet. Oet henj van de secretaris Jos Caris waerdje names de Kwakkert ein presentje aangebaoje. Op dees lejevergadering waerdje Hans Peskens unaniem gekaoze toet nuje väörzitter van V.V. de Kwakkert. Hans is lid van de Raod van Elf en steit op dees meneer dus dunbie de vastelaovendj en de vereiniging.

Names V.V. de Kwakkert danke wae Jos de Kunder väör al det sjoeëns waat hae gedaon haet väör de Kwakkert en haope nog väöl gebroek te moge make van zien expertise, Jos bedanktj! Uiteraard winse wae oosse nuje väörzitter Hans Peskens väöl wiesheid en succes toe.


2007 - 2008 Prins Teun I

Eindelik waas 't zowiët, Wae höbbe eine nuuje Prins!!!

Prins Teun I is aafgeloupe zaoterdig 17 november 2007 oêtgerope als de nuuje prins vanne Kwakkert.

Nao een flitsende show mèt väöl spektakel en rauk en eine grooëte groep luuj in witte gewaade, waerdje Prins Teun I väörgesteldj aan 't heitser volk

Teun I zal als lijfspreuk voeren:

"Draan…..,tèl dao mer op"

Teun Verschueren is de nieuwe prins van De Kwakkert in Heythuysen. De 23-jarige Teun werd op zaterdagavond 17 november rond 11 minuten voor 10 in de Zaal als prins van de Kwakkerte geïnstalleerd door wethouder Jeurgens. Hij zal terzijde worden gestaan door de adjudanten Maarten van de Goor, Ruud Hermans en Jo Cillekens.

Teun zit bij vriendengroep VC Draan, een groep jongens en meiden in Heythuysen. Met VC Draan neemt hij al verschillende jaren deel aan de optocht met een carnavalswagen. Verder zit hij met een gedeelte van zijn vriendengroep in de organisatie van de jaarlijkse Mega Summer Party. Bovendien is Teun voorzitter van KVW Heythuysen. Hij voetbalt in Heitse 5 en traint de spelers van de A2. In het weekend is hij ober bij café- zaal Truus Wetemans in Leveroy. In het dagelijkse leven is Teun werkzaam als leraar wiskunde op het Bisschoppelijk College in Weert. Teun recipieert op zaterdagavond 26 januari 2008.

Klik hie väör de foto's en hie väör zien daagbook, de publikaasie en hie de Proklamasie van Teun I


Na 15 jaar vorstelijk afscheid

Op zondag 11 november 2007 neemt Sjang I Reijnen afscheid als vorst van VV De Kwakkert uit Heythuysen. Sjang is dan 15 jaar de voorman van dit illustere vastelaovesgezelschap, waarvan hij in 1975 prins carnaval was.

Vanaf zijn prinsschap is hij lid van de vereniging. Als in 1992 vorst Sef Kalthoff aangeeft te willen stoppen benoemt de vasteloavesvereniging Sjang tot opvolger. Een jaar loopt hij mee in de schaduw van Sef om de "kneepjes van het vorstenvak" af te kijken.

Bij de eerste carnavalsactiviteiten van 1993 treedt hij als nieuwe vorst van De Kwakkert aan. Hoewel hij de lijfspreuk en kledingcode (witte jas) van zijn voorganger overneemt heeft Sjang nooit getracht zijn voorganger te kopiëren. Op geheel eigen wijze zwaait hij de vorstenscepter over het Kwakkerteriek. Met een karakteristieke spreekstijl en met een ongekend spreekvolume presenteert hij de vereniging en draagt hij de vastelaovend uit naar jong en oud. Sjang is 15 jaar lang een vorst vol geestdrift en vooral een betrokken mens. In die jaren is hij betrokken bij meer dan 400 carnavalsactiviteiten en bij een veelvoud hiervan aan vergaderingen, besprekingen en voorbereidingen, in Klein Peries en daarbuiten. Hij kiest elk jaar (mee) een nieuwe prins, benadert hem en leidt hem op. Tijdens een reeks van 15 vastelaovesseizoenen is hij regisseur en voorganger van de club en staat hij achter zijn prinsen, en waar nodig er voor!

Sjang combineert zijn vorstschap met zijn boerenbedrijf. Een lastige combinatie. Ontelbare keren roept zijn ambt hem vanaf de Heitser Hei naar het dorp, om vaak pas in de kleine uurtjes thuis te komen. Toch roept voor dag en dauw dan zijn koe- en varkensvee en ook dan is Sjang paraat. Wellicht is het daarom dat bij drankrondjes voor de club steevast een glas met waterachtige inhoud op het dienblad prijkt. Door Sjangs aderen stroomt "kwakkerteblood". Tekenend zijn z'n pogingen om de jeugd bij de Heitser vastelaovend te betrekken, de meer dan bewogen bezoeken namens de vereniging aan zieken in ziekenhuizen en zorginstellingen, maar vooral ook het volle genieten van feestende mensenmassa's en de intense tevredenheid na een "geslaagde" carnavalsactiviteit. Vorst Sjang treedt nu terug en draagt de vorstenscepter over aan vorst Bart Diesch. Hij treedt terug, maar blijft lid van de club en in het gevolg van de nieuwe prins. Een teken dat het nog goed zit met zijn kwakkerteblood.

Het zouden er eigenlijk drie worden, maar het werden vijftien vasteloaves-seizoenen die Sjang Reijnen als vorst een stempel op vv De Kwakkert in Heythuysen drukte. Op zondag 11 november geeft hij dat stokje over aan zijn opvolger Bart Diesch. Een terugblik met vorst Sjang in elf vragen. (video: YouTube Jeroen "Stultmeister" Stultiens)

Laes hie zien interview

Laes wiejer in deil 2 van 't archief väör anger berichte