Klik bovenin om uch keuze te make:
Femke I; Nuje Jeugdprinses 2022-2023
Femke I; Ieërste Jeugdprinses van de Koeleköp 2023
Zaoterdigaovendj waas d'r eine échte primeur te belaeve op 't podium bie de Bombardon.
Allerieërst waerdje d'r eine gloednuje jeugdraod aan de Heitser minse väörgesteldj. Daonao noom Sarah Heynen de scepter äöver van Vorstin Emma. Sarah is de twieëdje Vorstin van de Koeleköpkes. Mer toen…
Naodčt 57 jeugdprinse de scepter höbbe gezweijdj äöver 't Koeleköpkesrieëk, waerdje Femke I oetegerope as allerieërste Jeugdprinses. Gans gruuëts sting ze op 't podium.
Femke fietstj eder daag nao Häör nao sjoeël. En as wae de proklamasie moge geluive is det edere kieër weer ein hieël belaevenis. In häöre vrieje tied goejtj ze ein belke bie de C1 van handjbalvereiniging VIOS.
Femke I haet uiteraard de steun van häöre Jeugdraod. Mer ouch van häör adjudante. Femke haet Pien Verkoulen en Semm Vestjens gevraogdj of ze häör adjudante woje zeen. En as echte gooj vriendinne zagte zie natuurlik geliek 'jao'.
Femke is de jóngste dochter van Roel Verheijden en Monique Vermeulen. Gein onbekindje gezichte in de Heitser vastelaovendj. En as de jóngste dochter bčs, höb se natuurlik ouch nog eine aojer zöster. Des is Fleur.
De receptie van Jeugdprinses Femke I en groeëte Prins Marcel I waertj op zaoterdigaovendj 11 fibberwarie 18:49 gehaoje in de Bombardon in Heitse.
Kiek auch ins in 't archief van de Koelekop
