Koelekop
Lynn I, Jeugdprinses 2024-2025
“Mét deze Ras-echte Fieëstnaas väörop, zètte we Heitse oppe kop”
Op zaoterdigaovendj 16 november, tiedes ós Prinsebal, waas uiteraard ieërst de jeugd aan de bäört. Ónger leiding van de jeugd-commissie waerdje Lynn Ras as de 2e Jeugdprinses van De Koelekop oetgerope.
Ein gebaore ‘Ras-echte’ Fieëstnaas die väörop moog gaon bie de Koelekop. Dét is natuurlik waal biezunjer. Ze haet al ein jäör in de jeugdraod mooge mitkieke en moog dit jäör zelf als jeugdprinses de scepter zweije. Lynn haet 't vastelaovesblood neet van vraemdje. Häöre opa Giel en vader Gustav woore al ins groeëte prins van CV De Fieëstnaze van de Heidebuurt en pap geit nog steeds als lid van de Raod van 11 van CV De Fieëstnaze op paad.
Lynn is de middelste oet het gezin Ras. Häör aojers, Gustav Ras en Janou Tindemans, häöre broor Levi en zusje Femm zölle d’r ouch bie zeen om d’r samen ein sjoeën fieëst van te maake. Edere daag fietstj Lynn vanoet de Hollenjer gans nao sjoeël in Häör en as ze neet nao sjoeël hooftj, zitj ze op häör paerd of verzörgd ze ein van häör väöle bieëste. Häöre groeëte hobby is giechelen en lol maken mit häör vriendinne.
Gruuets haet ze daorom 2 van häör vriendinne als adjudanten gepresenteerd. Häör adjudante zeen Jolien Janssen, dochter van Niek Janssen en Agnes van den Goor. En hieël biezunjer.. aod jeugdprinses van de CV de Kujeldreiers oet Kelpen-Oler Lis Timmermans, dochter van Maurice en Linda.
Jeugdprinses Lynn I häöre spreuk is: “Mét deze Ras-echte Fieëstnaas väörop, zètte we Heitse oppe kop”
Mer Lynn waas neet de enige die gepresenteerdj waerdje aan de Heitser minse. Er kwaom ouch ein nuuje Jeugdvorst! De nuje Jeugdvorst Sepp Geenen, zoon van de bekindje Heitser vastelaovesgezichte Rob Geenen en Kelly Linders, zal Lynn I äöveral woeë ze kóme netjes aankondige en duchtig gaon fieëste in eeder zaal of tent.
En waat te dinke van de nuje Jeugdraod van 11. Allemaol jonges en maedjes oet Heitse die 't gruuen van de Koeleköpkes laote straole.
De receptie van Jeugdprinses Lynn I en Prins Noud I waertj gehaoje op zaoterdig 22 fibberwarie 2025 in De Bombardon.
